Opinberar byggingar

Við höfum framleitt forsteyptar einingar í fjölda opinberra bygginga, bæði fyrir ríkið og sveitarfélög.

Nefna má leikskóla, grunnskóla, framhaldsskóla og háskóla víða um land að ógleymdum íþróttamannvirkjum og menningarhúsum.

Fangelsið á Hólmsheiði var tekið í notkun 2016. Það var reist úr einingum frá okkur.

Fangelsið var hannað og byggt samkvæmt BREEAM umhverfisvottunarkerfinu en kerfið tekur til alls ferils byggingaframkvæmda, m.a. efnistöku og byggingarefnis.

Í það voru notaðar forsteyptar samlokueiningar, forsteyptir útveggir, forsteyptir innveggir og forsteyptar filigran-loftaplötur.

Líkt og með aðrar opinberar byggingar byggðist aðkoma okkar að byggingu fangelsisins á Hólmsheiði á yfirgripsmikilli sérfræðiþekkingu og reynslu sem og framleiðslugetu sem er ein sú mesta á Íslandi.

Allt þetta tryggði hámarks skilvirkni og vandvirkni og lágmarks kostnað við uppbyggingarferli fangelsisbyggingarinnar.