Sökklarnir okkar ná ýmist í ökkla eða eyra og eru undirstöðuatriði sem hægt er að treysta. Þeir eru sterkari, sveigjanlegir í þykkt og hæð og henta fyrir allar byggingar, líka timburhús.

Með aukinni notkun forsteyptra eininga hefur notkun forsteyptra sökkla færst í vöxt. Forsteyptir sökklar skapa tækifæri til að flýta framkvæmdum, auka öryggi og spara fé.

Algengast er að sökkulveggurinn sé reistur á þjappaða fyllingu og hver veggeining reist á þar til gerða ásetusteina.

Þegar sökklunum hefur verið komið fyrir allan hringinn eru þeir tengdir saman. Þá er steyptur fótur undir sökkulinn en stærð hans fer eftir þörfum hverju sinni. Með þessu er tryggð full áseta á fyllinguna.