Fræðsluþing
Steypustöðvarinnar
2026
Byggjum til framtíðar - Verðmæti og vellíðan í hverjum fermetra
Fræðsluþingið verður haldið á Grand Hótel í Háteigssalnum á 4. hæð frá kl. 09.00 – 13:00. Húsið opnar kl. 08:30 og verður boðið upp á kaffi og léttar veitingar, dagskráin endar síðan á hádegisverði.
Við hlökkum til að sjá þig á FS26 þar sem innblástur, þekking og sterkari tengsl verða í fyrirrúmi.
Buildings that give back
Malin Meyer er arkitekt sem er þekkt fyrir framsækna sýn á hvernig hönnun og manngildi mætast í stórum byggingarverkefnum. Malin er forystukona í dönskum arkítektúr og leiðir hönnun stórra verkefna þar sem nýsköpun og fagurfræði fara saman. Hún hefur verið brautryðjandi í að skapa umhverfi sem hámarkar vellíðan og afköst.
Hún leggur áherslu á hvernig hönnun með fólk sem miðjupunkt hefur bein áhrif á nýtingu húsnæðis, líftímakostnað og aðlögunarhæfni til framtíðar. Í fyrirlestrinum hennar kemur fram hvernig vönduð hönnun nýtist sem viðskiptalegt tæki sem eykur skilvirkni í rekstri, lengir líftíma eigna og hámarkar arðsemi fjárfestinga fyrir eigendur, verktaka og samfélög.
Alþjóðlegur ráðgjafi: Víðtæk reynsla af ráðgjöf fyrir byggingariðnaðinn á Norðurlöndum og þróun heilsueflandi rýma.
Talsmaður virðisaukandi hönnunar: Þekkt fyrir að sýna fram á hvernig arkitektúr og sjálfbærni mæta viðskiptalegum markmiðum
Mikilvægi gæða á húsnæðismarkaði
Jónas Atli er yfirhagfræðingur HMS. Í greiningu sinni á húsnæðismarkaðnum hefur Jónas bent á að húsnæðisuppbygging síðustu ára hafi ekki verið nægilega mikil til að mæta mannfjölgun og breyttri samsetningu þjóðar. Jónas Atli veitir innsýn í hvernig gæði bygginga breytast með samfélaginu og óskum kaupenda. Hann rýnir í húsnæðisuppbyggingu síðustu ára, kannanir um búsetuóskir og mannfjöldaspár til þess að áætla hvaða gæði kaupendur framtíðar vilja í sínum íbúðum.
Afsteypa hugmyndaflugsins
Hrólfur er þekktur fyrir að teygja mörk hönnunar og efnisnotkunar á Íslandi. Í erindi sínu fjallar hann um sköpunarkraftinn sem liggur í mótun steypunnar og hvernig hugmyndaflug arkitekta mætir tæknilegum möguleikum efnisins. Þetta er hvetjandi fyrirlestur um hvernig við getum búið til fallega og varanlega byggingarlist með réttri nálgun.
Heilnæm bygging - sameiginleg ábyrgð
Sigrún dregur fram mikilvægi þess að allir aðilar sem koma að byggingu mannvirkis tryggi heilnæmi bygginga. Hún leggur áherslu á að gæði séu ekki bara stimpill á blaði, heldur sameiginleg ábyrgð sem tryggir vellíðan íbúa til framtíðar og skili sér í raunverulegu efnahagslegu virði. Hér fáum við hagnýta sýn á það hvað verktakar leggja áherslu á í að skila af sér heilnæmum byggingum - byggt fyrir framtíðarkynslóðir.
Hlutverk steypustöðvarinnar og yfirskrift FS26
Jónína verður kynnir dagsins á FS26. Hún mun setja tóninn með því að tengja saman sjálfbærnimarkmið og raunverulegar aðgerðir í íslenskri mannvirkjagerð, og hvert hlutverk fyrirtækja eins og Steypustöðin er í umbreytingum á þörfum framtíðarinnar.
Steypulausnir framtíðarinnar - grunnur að heilnæmri innivist
Haraldur kafar ofan í tæknilegar útfærslur á sterkari lausnum sem leggja grunninn að heilnæmri innivist. Hann útskýrir hvernig rétt val á lausnum hefur úrslitaáhrif á loftgæði og rakastjórnun í mannvirkjum, sem eru lykilþættir í að tryggja heilsu og vellíðan íbúa. Þetta er mikilvægt innlegg fyrir þá sem vilja vita hvaða tækninýjungar munu skilgreina íslenskan byggingarmarkað næstu árin og skilja betur hvernig það skilar sér í betra og endingarbetra húsnæði.
A glance into the future
Johannes veitir okkur sýn inn í framtíðarlausnir í léttsteypusteini (e. Aerated Concrete) sem eru að ryðja sér til rúms á alþjóðavísu. Hann fer yfir kosti þessara efna þegar kemur að einangrun og skilvirkni í byggingarferlinu. Hann fjallar sérstaklega um jákvæð þessara lausna á loftgæði innanhúss og hvernig efnið stuðlar að jöfnu og heilbrigðu rakastigi í byggingum. Erindið veitir dýrmæta innsýn í hvernig nútíma efnisval getur bætt lífsgæði fólks. Fyrir þá sem vilja kynnast næstu kynslóð byggingarefna er þetta erindi sem ekki má missa af.